Архитектура - Ентериери и дизајн

„L’Arc“ е ресторан и кафе бар што се наоѓа во Париз, Франција. Неговата посебност и оригиналност полека но сигурно го направи  „must see“ место, како неодминлив дел од ноќниот живот во Париз. Забавната возвишеност го изгради своето име и го создаде својот имиџ со фокус на прогресивниот дизајн во ентериерот, на една мошне значајна и историска локација во Париз.

L’Arc се наоѓа непосредно, спроти улицата  на познатата Триумфална Капија, по што и самиот локал го превзема името. Убавината на овој локал е амбивалентноста и трансформабилноста што овој простор ги носи во дневните и ноќните часови.

Во дневните часови локалот работи како ресторан кој во една интимна атмосфера служи како пријатно место за оброци, за разлика од ноќните часовите, кога посетителите можат да се препуштат во екстравагандното неонско осветлување, кое  ја превзема главната улога, трансформирајќи го просторот во сосема поинаква димензија, непрепознатлива за ресторанските концепти но блиска на елитните барови.

Во секој случај еден убав пример на уникатен простор, во кој дивергентните функции одлично се сплотени во еден ентериер, кој на креативен начин ги обединува правејќи го овој локал посебен.

---

< Пред		Следно >